Spezialiséiert Iwwersetzungen
D'Iwwersetzungsprojeten, déi Dir eis uvertraut, ginn ëmmer vun enger Ekipp vu spezialiséierte Linguisten traitéiert, déi ausschliisslech an hir Mammesprooch iwwersetzen an Iech domat eng fléissend an natierlech Iwwersetzung garantéieren. Mir benotzen dagdeeglech linguistesch Ressourcë wéi Iwwersetzungsmemoiren, Terminologiedatebanken a Glossairen a garantéieren doduerch d'Kohärenz innerhalb vun engem Text an och textiwwergräifend. Doriwwer eraus kënnt Dir och vu wesentlechen Zäitverkierzunge profitéieren, well mir am Laf vun der Zäit e grousse multilinguale Korpus opgestallt hunn.
Transkriptioun vu Videoen, Ënnertitelung an Doublage
Eis Spëtzentechnologie an eise Reseau vun treien Talenter, déi aktuell all d'offiziell Sprooche vun der Europäescher Unioun ofdecken, erméiglechen et eis, héichwäerteg Servicer fir d'Transkriptioun vu Videoen a fir d'Ënnertitelung an den Doublage unzebidden.
Post Editioun
Mir sinn eis bewosst, datt d'kënschtlech Intelligenz am Beräich vun der neuronaler maschineller Iwwersetzung grouss technologesch Fortschrëtter gemaach huet, an dofir kënne mir dës Léisung, no Ofsprooch mat Iech, notzen, fir verschidden Erausfuerderungen ze bewältegen, zum Beispill e grousse Volume u méisproochegen Inhalter, déi an engem mënschlech onméiglechen Delai musse produzéiert ginn, an dat an engem komplett gesécherten Ëmfeld.
